कोरोनाको महामारीले सुनसान बनेको विश्व (फोटोफिचर)

०३ चैत्र २०७६, काठमाडौं

कोरोनाभाइरस (कोभिड–१९) लाई विश्व स्वास्थ्य सङ्गठनले महामारीको घोषणा गरेको छ । चीनको ऊहानबाट सुरु भएको कोरोनाभाइरसको महामरीको केन्द्रविन्दु यतिबेला युरोप बनिरहेको छ ।

पछिल्लो तथ्याङ्क अनुसार अहिलेसम्म विश्वभरका १५७ देश यस महामारीबाट प्रभावित बनेका छन् । यसबाट संक्रमितको सङ्ख्या १ लाख ६९ हजार ५९१ जना संक्रमित भएका छन् । विश्वभरबाट ६ हजार ५१६ जनाले ज्यान गुमाइसकेका छन् भने ७७ हजार ७७५ जना स्वस्थ बनेर घर फर्किसकेका छन् ।

विश्वभर यसको प्रभाव फैलिँदै गर्दा विभिन्न देशहरुले यसको संक्रमण थप फैलन नदिन ‘लकडाउन’ गरिरहेका छन् । धेरै राष्ट्रहरुले आफ्नो सीमानाकामा कडाइ गर्नुका साथै मानिसहरुको आवतजावतमा नियन्त्रण गरिरहेका छन् । सरकारले आफ्ना नागरिकहरुलाई धेरै भीडभाड हुने स्थानमा नजान आग्रह गरेका छन् । जसले गर्दा पहिले भीडभाड हुने व्यापारिक र पर्यटकीय केन्द्रहरु यतिबेला सुनसान देखिएका छन् ।

प्रस्तुत छ विभिन्न देशहरुमा रोयटर्सका फोटो पत्रकारहरुले कैद गरेका कोरोनाभाइरसका कारण सुनसान बनेका विश्वका चर्चित स्थानहरुः