०४ चैत्र २०७६, काठमाडौँ
यतिबेला पोखरामा चलचित्र परदेशी २ को धमाधम छायांकन भैरहेको छ । कोरोना भाइरस को त्रास नेपालमा पनि बढिरहेका कारण निर्माता संघले हाल छायांकन भैरहेका चलचित्रको छायांकन रोक्न आग्रह गरेको थियो । तर केही चलचित्रको छायांकन रोकिएका छैनन् ।
परदेशी २ मा लोकगायक प्रकाश सपूत, नायिका केकी अधिकारी, बर्षा सिवाकोटीको मुख्य भूमिका रहेको छ भने चलचित्रमा दिलीप रायमाझी पनि भित्रिएका छन् । उनी मुख्य भूमिकामा भने देखिने छैनन् । चलचित्रमा दिलीप अतिथि भूमिकामा देखिनेछन् ।
दीलिपसँगको फोटो पोष्ट गर्दै प्रकाशले लेखेका छन्, ‘मैले आफ्नो आइडलसँग स्कृन सेयर गर्ने मौका पाएको छु । सुटिङ हुदाँ घरी घरी लाग्छ कि, यो रियल मै भइरहेको छ नि रु कि म गहिरो निद्रामा छु ?’
परदेशी २ ले पढाईको शिलशिलामा विदेशिएका युवाहरुको कथालाई प्रस्तुत गर्नेछ । चलचित्रलाई नारायण रायमाझीले निर्माण तथा निर्देशन गरेका हुन् ।
