०५ चैत्र २०७६, काठमाडौँ
कोरोना भाइसर को प्रत्यक्ष असर फिल्म क्षेत्रमा पनि देखिएको छ । प्रदर्शनको तयारीमा रहेका चलचित्र धमाधम सरिरहेका छन् भने केही चलचित्रको छायांकन समेत रोकिएका छन् ।
केहीसमय अघि फागुन ३० मा रिलिज हुने भनिएको चलचित्र म यस्तो गीत गाउँछु २ को प्रदर्शन मिति सर्यो, चैत्र ७ मा प्रदर्शनमा आउने भनिएको नीरफूल पनि सर्यो, चैत्र २१ मा रिलिज हुने लक्का जवान सर्यो र बर्षकै सबैभन्दा प्रतिक्षित चलचित्र प्रेमगीत ३ पनि अब चैत्र २८ मा रिलिज नहुने भएको छ ।
प्रेमगीत ३ सँगै चैत्र २८ मा माइकल अधिकारी र चपली हाईट ३ रिलिज हुने कुरा थियो । प्रेमगीत ३ सँगै माइकल अधिकारीले पनि रिलिज डेट पछाडी सारेको छ भने चपली हाईट अहिलेसम्म चलचित्र सरेको कुनै आधिकारीक जानकारी दिएको छैन ।
अब पछाडी धकेलिएका यतिधेरै चलचित्रहरु कहिले रिलिज हुन्छन् त्यसको कुनै टुङ्गो छैन । यसरी चलचित्र रोकिदाँ हल सञ्चालकलाई मात्र नभएर कलाकारलाई पनि असर पर्ने देखिन्छ ।
