०६ चैत्र २०७६, काठमाडौँ
नव विवाहित नायिका आँचल शर्माले हिजो आफ्नो २४ औँ जन्मदिन मनाइन् । उनले गोकर्णमा रहेको अनाथ बालआश्रममा गएर आफ्नो जन्मदिन मनाएकी हुन् । यस्तै आँचलले जन्मदिनमा श्रीमान उदिप श्रेष्ठले दिएको उपहारको भिडियो इन्ष्टाग्राममा सेयर गरेकी थिइन् ।
उदिपले आँचललाई ब्याग उपहार दिएका थिए । उक्त ब्यागको मूल्य २ लाख भएको बताइएको छ । हुन त आँचलले उक्त ब्यागको मूल्य बताएकी छैनन् ।
तर उनले इन्ष्टाग्राममा सेयर गरेको भिडियोमा उक्त ब्याग हेरेर गुगल सर्च गर्दा ब्यागको मूल्य २ लाख देखाएका कारण उदिपले आँचललाई जन्मदिनमा २ लाखको ब्याग उपहार दिएको हल्ला यतिबेला बजारमा चलिरहेको छ ।
