‘कोरोना भाइरस’ का कारण रोकियो अनमोल र सुहानाको ‘ए मेरो हजुर ४’ को छायांकन

०७ चैत्र २०७६, काठमाडौँ

कोरोना भाइरस का कारण हाल पाटनमा भैरहेको चलचित्र ए मेरो हजुर ४ को छायांकन रोकिएको छ । ए मेरो हजुर ४ छायांकनमा जानु अगावै निकै चर्चामा रहेको चलचित्र हो ।

चलचित्रको छायांकन रोकिएको जानकारी चलचित्रका निर्माता सुनिल कुमार थापाले दिएका छन् । सरकारले २५ जनाभन्दा बढी व्यक्तिको समूहमा नबस्न आग्रह गरेकाले ए मेरो हजुर ४ को छायांकन रोकिएको हो ।

ए मेरो हजुर ४ मा ४० जना मेम्बर रहेका छन् । अब केहीसमय पछिमात्रै चलचित्रको छायांकन सुरु हुने बताइएको छ । चलचित्रको ४० प्रतिशत छायांकन सकिसकेको निर्माता सुनिल कुमार थापाले जानकारी दिएका छन् ।