बैशाख १७ सम्म हल बन्द हुने भएपछि चैत्र २८ मा नआउने भयो ‘चपली हाईट ३’

०७ चैत्र २०७६, काठमाडौँ

कोरोना भाइरस को कारण सरकाले बैशाख १७ गतेसम्मका लागि सम्पूर्ण सिनेमा हलहरु बन्द गराएको छ । सरकारको यस्तो निर्णयपछि चैत्र २८ गतेबाट देशव्यापी रुपमा प्रदर्शनमा आउने भनिएको चलचित्र चपली हाईट ३ को प्रदर्शन मिति पनि स्थगित गरिएको छ ।

चपली हाईट ३ को सम्पूर्ण काम सकिसकेको थियो । चैत्र २८ मा चलचित्र रिलिज गर्न निर्माण टिम उत्साहित पनि रहेको थियो । तर कोरोनाका कारण अब चलचित्र चैत्र २८ मा नआउने भएको छ ।

यता चैत्र २८ बाटै प्रदर्शनमा आउने भनिएको चलचित्र प्रेमगीत ३ का निर्माता सन्तोष सेन भने कोरोनाका कारण हल बन्द भएकोमा खुसी नै छन् । किनकी प्रेमगीत ३ को अझै केही कामहरु बाकिँ रहेका छन् ।

चैत्र २८ मा चलचित्र रिलिज गर्नुपर्ने हुदाँ चलचित्र निर्माण टिमले हतारमा चलचित्रकोे काम सक्नुपर्ने बाध्यता थियो । अब भने सन्तोषले आरामले चलचित्रको काम सक्काउने बताएका छन् । चपली हाईट ३ अब कहिले रिलिज हुन्छ त्यसबारे निर्माताले केही बताएका छैनन् ।