रेखाको आग्रह : ‘सावधान हौँ, आतंकित नहौँ’

०८ चैत्र २०७६, काठमाडौँ

कोरोनाको त्रास नेपालमा पनि बढेसँगै यसबाट सर्तक रहनको लागि सरकारले जनतालाई आग्रह गरिरहेको छ । यस्तै सेलिब्रेटीहरुले पनि कोरोनाबाट बच्न आफूलाई सुरक्षित राख्न आग्रह गरिरहेका छन् ।

चर्चित नायिका रेखा थापाले सामाजिक सञ्जालमा आफ्नो एक तस्बिर सेयर गर्दै कोरोनाबाट त्रसित नभई सुरक्षित रहन आग्रह गरेकी छिन् ।

शनिवार उनले आफ्नो आधिकारिक फेसबुकमा लेखेकी छन्, ‘सावधान हौं, आतंकित नहौं । सरकारले गरेको अपिललाई मनन् गरेर अत्यावश्यक काम बाहेकमा घर बाहिर ननिस्कौं ।’ एक भिडियो सन्देशमा उनले सावधानी नै कोरोनाबाट बच्ने उचित उपाय रहेको बताएकी छन् । उनले कसैसँग हात नमिलाउन र अंकमाल नगर्न आग्रह गर्दै दुई हात जोडेर नमस्कार गर्न भनेकी छन् ।