०८ चैत्र २०७६, काठमाडौँ
कोरोना भाइरस को त्रास दिनप्रतिदिन बढ्दै गएकाले नेपाली सेलिब्रेटीहरुले पनि यसबाट बच्नको लागि आग्रह गरिरहेका छन् ।
पछिल्लो समयकी चर्चित नायिका स्वस्तिमा खड्काले सामाजिक सञ्जालमा एक भिडियो सेयर गर्दै सकेसम्म केहीसमयको लागि घरमै बस्न आग्रह गरेकी छिन् । उनले अत्यावश्यक काम परेमात्र घरबाट बाहिर निस्कने नत्र ननिस्कदा राम्रो हुने बताएकी छिन् ।
उनले यदि घरबाट बाहिर निस्कनै परे मास्क र सेनिटाइजर लगाएर मात्र निस्कनु उचित हुने पनि बताएकी छिन् ।
उनले नियमित हात धुन र स्यानीटाइजर प्रयोग गर्न जोड दिदै यस्तो समयमा सामाजिक संजालहरुमा गलत समाचारहरु शेयर हुन सक्ने सम्भावनाहरु हुने हुनाले सकेसम्म त्यस्तो समाचारहरुलाई बेवास्ता गरौ भनेकी छिन् । उनले भिडभाडमा नजान र एक अर्काको साथ दिन पनि आग्रह गरेकी छिन् ।
