०९ चैत्र २०७६, काठमाडौं
क्यानडाले जापानमा हुन लागेको ‘टोकियो ओलम्पिक’मा भाग नलिने घोषणा गरेको छ।
क्यानेडियन ओलम्पिक कमिटीले यही वर्ष जापानको टोकियोमा हुन लागेको ओलम्पिक खेलमा खेलाडी नपठाउने घोषणा गरेको हो ।
टोकियो ओलम्पिकमा खेलाडी नपठाउने घोषणा गर्ने क्यानडा पहिलो राष्ट्र हो ।
कोरोना भाइरसको महामारी विश्वव्यापी भएपछि टोकियो ओलम्पिक स्थगित गर्न संसारभरबाट आग्रह भइरहेको छ।
तर, जापानका अधिकारीहरूले केही दिनपहिले खेल नरोकिने घोषणा गरेका छन् ।
कोरोनाको संक्रमण नियन्त्रण नभएको अवस्थामा क्यानाडाको सहभागी नहुने घोषणापछि टोकियो ओलम्पिक रोकिने सम्भावना बढेको छ।
तस्वीरमा जापानमा हुन लागेको ‘टोकियो ओलम्पिक’को लोगो। फाइल तस्वीर।
