अब यूरोपमा नहुने भयो ‘ए मेरो हजुर ४’ को छायांकन

१० चैत्र २०७६, काठमाडौँ

कोरोना भाइरसका कारण चलचित्र ए मेरो हजुर ४ को छायांकन केहीदिनयता भैरहेको छैन । माहोल सामान्य नहुन्जेलसम्मका लागि ए मेरो हजुर ४ को छायांकन रोकिएको हो ।

यस्तै ए मेरो हजुर ४ को गीतको छायांकन यूरोपमा गर्ने तयारी निर्माण पक्षको रहेको थियो । यूरोपको रमणीय स्थलमा १ महिनापछि छायांकनका लागि जाने तयारी गरिएको थियो । तर अब यूरोपमा चलचित्रको छायांकन नहुने भएको छ ।

अब चलचित्रको सम्पूर्ण छायांकन नेपालमा नै हुने चलचित्रकी निर्देशक झरना थापाले बताएकी छिन् । चलचित्रमा दोस्रो पटक अनमोल केसी र सुहाना थापा मुख्य भूमिकामा देखिदैँछन् ।