धुर्मुस-सुन्तलीको कोरोना भाइरस विरुद्ध जनचेतनामूलक गीत (भिडियो)

११ चैत्र २०७६, काठमाडौँ

लोकप्रिय कलाकार तथा सामाजिक अभियान्ता सिताराम कट्टेल (धुर्मुस) र कुञ्जना घिमिरेले एक भिडियो बनाएर कोरोनाबाट बच्न जनतालाई सुझाव दिइरहेका छन् ।

उनीहरुले भिडियोमा जाइफुलको बासना, सबैजना क्वारेन्टाइनमा बसन भन्दै सन्देश दिएका छन् । साथै गीत गाएकै पारामा उनीहरुले सर्वसाधारणलाई भिडभाडमा नजान, बेला बेलामा साबुन पानीले हात धुन र घरमै केही समयको लागि बस्न अनुरोध गरेका छन् ।

उक्त भिडियो सुन्तलीले आफ्नो टिकटक अकाउण्टमा हालेकी छिन् । कोरोनाकै कारण उनीहरुले केही समयको लागि रंगशाला निर्माणको काम रोकेका छन् । माहोल केही शान्त भएपछि पुनः काम सुरु हुने उनीहरुले जानकारी दिएका छन् ।