बाजा बजाउँदै प्रिज्मा र बले

११ चैत्र २०७६, काठमाडौँ

पछिल्लो समयमा सामाजिक सञ्जालमा प्रिज्मा खतिवडा र सागर लम्साल (बले) को अफेयरको चर्चाले निकै स्थान पाइरहेको छ । कता कता त उनीहरुले आउँदो मसिंरमा विवाह गर्न लागेको समेत बताएका छन् ।

यद्दपि यसबारे दुवैले अहिलेसम्म कुनै जानकारी भने दिएका छैनन् । बले र प्रिज्माले केही म्यूजिक भिडियोमा सँगै काम गरेका छन् र उनीहरुको जोडीलाई निकै रुचाइन्छ । यसैबिच यी दुईको नयाँ म्यूजिक भिडियो रिलिज भएको छ ।

लोकराज अधिकारीको शब्द र अर्जुन पोखरेलको संगीत रहेको बाजा बजाउँदै बोलको गीतमा अर्जुन पोखरेल र सुजता केसीको आवाज रहेको छ । गीतमा प्रिज्मा र बलेसँगै प्रिज्माकी जुम्ल्याह बहिनी प्रिन्सी र प्रदिप लिम्बु पनि फिचर्ड छन् । गीतलाई काजिश श्रेष्ठले निर्देशन गरेका हुन् ।