अब अमेरिका कोरोनाभाइरसको केन्द्रविन्दु : चीन र इटलीमाभन्दा बढी संक्रमित

१४ चैत्र २०७६, काठमाडौं

अमेरिकामा एकै दिन १५ हजार भन्दा बढीमा संक्रमण देखिएपछि संक्रमित हुनेको संख्या ८५ हजार २ सय ६८ पुगेको छ । यससँगै संसारमा कोरोना संक्रमितको संख्या अमेरिकामा सबैभन्दा धेरै भएको छ ।

पछिल्लो २४ घण्टामा अमेरिकामा थप २ सय ६६ जनाको मृत्यु भएसँगै मृतकको संख्या पनि १२ सय ९३ पुगेको छ ।

कोरोना भाइरसको संक्रमण रोक्ने अनेकौं उपाय अपनाइरहँदा पनि अमेरिकामा संक्रमण फैलने क्रम तीव्र भएको छ ।