कोरोना प्रभावित बालबालिकाको पोषणका लागि हलिउड नायिका एन्जेलिनाको तर्फबाट १ मिलियन डलर सहयोग

१४ चैत्र २०७६, काठमाडौँ

संसार नै कोरोनाको त्रासमा रहेको समयमा विभिन्न सेलिब्रेटीहरुले कोरोना पिडितलाई सहयोग गरिरहेका छन् । यस्तै हलिउडकी चर्चित नायिका एन्जेलिना जोलीले पनि कोरोना पिडित बालबालिकालाई सहयोग गरेकी छिन् ।

एन्जेलिना जोलीले विश्वभर कोरोनाबाट प्रभावित बालबालिकाहरुको लागि १ मिलियन डलर सहयोग गरेकी छिन् । उनले उक्त रकम स्कुलमै खानेकुराहरु खाने गरेका बालबालिकाहरुको पोषणको लागि खर्च गरिने बताएकी छिन् ।

एन्जेलिनाले उक्त रकम ‘नो किड हंग्री’ नामको गैरसरकारी संस्थालाई हन्तान्तरण गरेकी छिन् । साथै उनले कोरोनाबाट बच्न सबैलाई आग्रह पनि गरेकी छिन् ।