१५ चैत्र २०७६, काठमाडौं
आगामी चार महिनाभित्रमा ४० देखि ५० कोरोड भारतीय नागरिकलाई कोरोना भाइरस (कोभिड–१९) संक्रमण हुन सक्ने अनुमान गरिएको छ ।
आउँदो जुलाई महिनाको अन्त्यसम्ममा ४० देखि ५० करोड भारतीयमा कोरोना संक्रमण हुने अनुमान गरिएको हो । संक्रमण हुनेमध्ये धेरैलाई पहिलो चरणमा कुनै लक्षण नदेखिने र एकैपटक मध्यचरणमा मात्रै जटिल लक्षणहरु देखिने अमेरिकी सञ्चार माध्यम ‘न्युयोर्क टाइम्स’मा प्रकाशित एक लेखमा दावी गरिएको छ ।
भारतको सेन्टर फर डिजिज डायनामिक्सका निर्देशक डा. रामानन लक्ष्मीनारायणको सो लेखमा संक्रमण परीक्षणका लागि भारतसँग अत्यावश्यक, पहुँचयोग्य र सजिलै उपलब्ध हुने परीक्षण केन्द्रहरु आवश्यक रहेको र यो व्यवस्था गर्न मात्रै तीनसाता बाँकी रहेको उल्लेख छ ।
कोरोना संक्रमण फैलँदै गएपछि भारतमा २१ दिन लामो लकडाउन लगाइएको छ ।-जेन्सी
|फाइल तस्वीर|
