पूजा र आकाशको ‘पोई पर्यो काले’ युट्युब ट्रेंडिंग को पहिलो स्थानमा, दर्शकले दिए यस्तो प्रतिक्रिया

१६ चैत्र २०७६, काठमाडौँ

गत कार्तिकमा प्रदर्शनमा आएको चलचित्र पोई पर्यो काले युट्युबमा रिलिज भएको छ । रिलिज भएको केहीसमय नबित्दै यो चलचित्रले युट्युबमा सर्वाधिक भ्यूज पाउन सफल भएको छ ।

हुन त देश लकडाउन भएका कारण यतिबेला सबैजना घरमा परिवारसँग समय बिताइरहेका छन् । जसको फाइदा पोई पर्यो काले लाई भएको छ । यो चलचित्र युट्युबमा रिलिज भएको २ दिन पनि पुरा भएको छैन । २ दिन पुरा नहुदैँ चलचित्रले युट्युबमा २२ लाख भ्यूज पाउन सफल भएको छ ।

त्यतिमात्र नभएर चलचित्र यतिबेला नेपालको युट्युबको ट्रेंडिंगको पहिलो स्थानमा रहेको छ । चलचित्रलाई यो समाचार तयार भैरहदाँ ६६ हजारले लाइक गरेका छन् भने लगभग ५ हजारले डिसलाइक गरेका छन् । यो चलचित्रलाई अधिकांश दर्शकले रुचाएका छन् । चलचित्रमा प्राप्त कमेन्टहरु धेरै सकरात्मक रहेका छन् ।