‘अबको दुई हप्तामा अमेरिकामा मृतकको संख्या सबैभन्दा धेरै हुनेछ’ : ट्रम्प

१७ चैत्र २०७६, काठमाडौँ

अमेरिकी राष्ट्रपति डोनल्ड ट्रम्पले न्यूयोर्क शहरमा दुई साता लामा ‘लकडाउन्’ गर्ने निर्णय बेठिक रहेको बताएका छन् ।

स्थानीय राजनीतिक नेताहरु र स्थानीयले कोभिड १९ (कोरोना भाइरस)को महामारी बढ्ने चेतावनी दिइरहे पनि  ‘लकडाउन्’ समस्याको समाधान नरहेको जिकिर गरेका ट्रम्पले पत्रकार सम्मेलनमा गरेका केही महत्वपूर्ण निर्णयहरुः

– सोसल डिस्टेन्सिङको नियम ३० अप्रिलसम्म जारी रहनेछ ।

– ट्रम्पले दाबी गरेअनुसार मलेरियाको औषधी आइड्रोक्सिक्लोरोक्विन कोरोना भाइरसका लागि निकै प्रभावकारी छ । न्यूयोर्कमा ११ सय बिरामीलाई यही औषधी दिइँदैछ । ट्रम्पले भने, ‘हेरौं, के हुन्छ । हामीले केही अद्भूत परिणाम देख्न पाउछौं कि ?’

– ह्वाइट हाउसको पहलमा प्रोजेक्ट एयरब्रिटमार्फत् अस्पतालमा आवश्यक सामान पु–याउने काम तीब्र गरिनेछ । यसको सुरुवात चीनबाट अमेरिका आएका १ लाख ३० हजार फेस मास्क बाँडेर भइसकेको छ ।

– अमेरिकामा कोरोना भाइरसका कारण हुने मृत्यु अबको दुई हप्तामा सबैभन्दा धेरै हुनेछ ।

– जून १ देखि अमेरिका ठिक हुने बाटोमा अग्रसर हुनेछ ।