आज चर्चित अभिनेता अनमोल केसीको जन्मदिन, शुभकामना दिनेको ओइरो

१७ चैत्र २०७६, काठमाडौँ

चलचित्र होस्टेल बाट नेपाली चलचित्र जगतमा भित्रिएका अभिनेता अनमोल केसीले पहिलो चलचित्रबाट नै लोभलाग्दो सफलता हासिल गरे । उनको चकलेटी लुक्सको फ्यान पहिलो चलचित्रबाट नै निकै भए ।

आज अनमोल अहिलेका सबैभन्दा डिमाण्डेड र महंगा अभिनेता हुन् । उनलाई चलचित्रमा खेलाउने निर्माता निर्देशकको लिस्ट लामै रहेको छ । अनमोलले अहिलेसम्म ७ चलचित्रमा काम गरिसकेका छन् र उनले खेलेका अधिकांश चलचित्रहरु सफल पनि छन् ।

आज उनै चर्चित अभिनेता अनमोल केसीको जन्मदिन रहेको छ । आज अनमोलको जन्मदिन भएकाले सामाजिक सञ्जालमा उनलाई शुभकामना दिनेको ओइरो नै लागेको छ । यसअघिका जन्मदिन अनमोलको विशेष हुने गर्थे । तर यसपटक कोरोनाका कारण नेपाललाई लकडाउन गरिएको छ । जसका कारण अनमोलको जन्मदिन सामान्य नै हुनेछ । हाम्रो तर्फबाट पनि अनमोललाई धेरै धेरै शुभकामना ।