१६ चैत्र २०७६, काठमाडौं
विश्व स्वास्थ्य संगठन (डब्ल्यूएचओ)ले अहिलेसम्म घरपालुवा जनावरबाट कोरोना भाइरस मानिसमा सर्ने कुनै प्रमाण नभेटिएको जनाएको छ ।
कुकुर, बिरालोलगायत घरपालुवा जनावरमा पनि कारोना संक्रमण भएपनि तिनीहरुबाट मानिसमा सर्ने कुनै प्रमाण नभएको डब्लुएचओको भनाइ छ ।
कोरोना भाइरस मानिसबाट मानिसमा सरिरहेको र संक्रमित मानिसले खोक्दा, हाँछ्यू गर्दा वा बोल्दा निस्कने थुकका छिटाबाट नै सरिरहेको पनि डब्लुएचओले स्पष्ट पारेको छ ।
संक्रमित मानिसले नियमित मास्क लगाउने, खोक्दा हाँछ्यू गर्दा थुकका छिटा बाहिर जान नदिने र सबैले बारम्बार हात धोएर सफा राख्न सकेमा सङ्क्रमण कम हुने डब्ल्यूएचओले जनाएको छ ।
घरपालुवा जनावरबाट सर्ने कि नसर्ने भन्ने कुरामा थप अध्ययन भइरहेको पनि डब्ल्यूएचओले जनाएको छ ।
|तस्वीरमा डब्ल्यूएचओ लोगो। फाइल|
