१७ चैत २०७६, काठमाडौं
कमलाईमाई नगरपालिका प्रमुख खड्ग खत्रीको नेतृत्वमा नगरपालिका भरिका दैनिक ज्याला मजदुरी गर्ने ३३ श्रमिक परिवारलाई निःशुल्क खाद्यान्न वितरण गरिएको छ ।
वितरण गरिएको राहत प्याकेजमा चामल २० केजी, दाल ३ केजी, चिनी १ केजी, आलु २ केजी, बेसार ५० ग्राम, तेल १ लिटर र नुन १ केजी रहेको छ । जुन १५ दिनसम्मको लागि पुग्ने अनुमान गरिएको नगर प्रमुख खत्रीले परिवर्तन खबरलाई बताए ।
लकडाउन अझै थपिएमा नगरले थप राहत प्याकेज लिएर श्रमिकको घरघरमै जानेछ,’ प्रमुख खत्रीले भने ।
अहिले वितरण गरिएको खाद्यान्न ग्वाङखोला क्षेत्रमा गिट्टी फुटाएर जिविको पार्जन गर्ने परिवारलाई वितरण गरिएको हो ।
निःशुल्क राहत वितरणमा नगरप्रमुख खत्री सहित प्रमुख प्रशासकीय अधिकृत पुरुषोत्तम सुवेदी, वडाअध्यक्षहरु कर्ण घिसिङ, पूर्णबहादुर खड्का, उज्वल थापा लगायतको उपस्थिति रहेको
थियो ।
