‘नाई नभन्नु ल ६’ मा बर्षा फाइनल

१८ चैत्र २०७६, काठमाडौँ

विकास राज आचार्य निकै सफल निर्देशक हुन् । विशेष दर्शकले उनलाई नाई नभन्नु ल निर्देशकको रुपमा चिन्छन् । उनले नाई नभन्नु ल का ५ सिरिज बनाइसकेका छन् । त्यसमध्येमा असफल सिरिज कुनैपनि छैन ।

नाई नभन्नु ल एउटा ब्राण्ड नै बनिसकेको छ । जसलाई दर्शकले निकै रुचाएका छन् । नाई नभन्नु ल ५ को सफलतासँगै विकासले नाई नभन्नु ल ६ बनाउने तयारी गरिरहेको थिए । चलचित्रको छायांकन चैत्रको पहिलो हप्ताबाट गर्ने तयारी निर्माण टिमको थियो । तर कोरोनाको कारण देशलाई लकडाउन गरिएको छ ।

जसका कारण चलचित्रको सम्पूर्ण काम रोकिएको छ । चलचित्रमा अनुभव रेग्मी, सेडिना शर्मा, सलोन बस्नेत लगायतका कलाकार फाइनल भैसकेका छन् । विकासले चलचित्रमा ३ नायिका हुने बताएका थिए ।

जसमध्ये एक नायिका भने फाइनल भैसकेकी छिन् । नाई नभन्नु ल ६ मा दर्शकले बर्षा राउतलाई देख्न सक्नेछन् । बर्षा राउतले नाई नभन्नु ल ४ बाट डेब्यु गरेकी थिइन् । नाई नभन्नु ल ६ मा पनि उनी देखिदैँछिन् ।

अन्य २ नायिकाको नाम भने खुलाइएको छैन । हुन त निर्माण टिमले बर्षाको पनि नाम खुलाएको छैन । तर गोप्य स्रोतको जानकारी अनुसार उनी चलचित्रका लागि फाइनल भैसकेकी छिन् ।