२३ चैत्र २०७६, काठमाडौं
कोभिड १९ (कोरोना भाइरस)महामारीबाट अति प्रभावित रहेको अमेरिकाका लागि चीनले एक हजार भेन्टिलेटर सहयोग गरेको छ ।
न्यूयोर्कका गभर्नर एन्ड्र्यू कुमोका अनुसार अमेरिकाको कोरोना प्रभावित सहरमध्ये एक न्यूयोर्कका लागि चीनले सहयोग पठाएको हो । यद्यपि उक्त सहयोग उपलब्ध हुने प्रक्रियामै रहेको बताइएको छ ।
अमेरिकालाई यसअघि रुसले पनि सैन्य जहाजमार्फत् मास्कलगायत थुप्रै मेडिकल उपकरण सहयोग गरेको थियो । अमेरिकामा अहिलेसम्म ३ लाखजनामा संक्रमण भेटिसकेको छ ।
|फाइल तस्वीर|
