२४ चैत्र २०७६, काठमाडौँ
विश्वव्यापी महामारीको रुपमा फैलिएको कोरोना भाइरसको संक्रमणबाट स्पेनमा पछिल्लो २४ घण्टामा ६९४ जनाले ज्यान गुमाएसँगै मृत्यु हुनेको संख्या १२ हजार ६४१ पुगेको छ ।
स्पेनमा एकैदिन ५ हजार ४७८ जनामा संक्रमण देखिएसँगै संक्रमित हुनेको संख्या १ लाख ३१ हजार ६४६ पुगेको छ ।
स्पेनमा संक्रमितमध्ये ३८ हजार ८० जना उपचारपछि निको भएका छन् । ६ हजार ८ सय ६१ जनाको अवस्था गम्भीर रहेको जनाइएको छ भने ८० हजार ९२५ जना उपचाररत छन् ।
