२४ चैत्र २०७६, काठमाडौँ
यतिबेला अमेरिकन आइडल मा नेपाली मूलका दिवेश पोखरेलले तहल्का मच्चाइरेका छन् । दिवेशले अडिसन देखि नै आफ्नो दमदार प्रस्तुतीले जज र दर्शकको मन जित्दै आएका छन् ।
अर्थर गन को नामले परिचित दिवेश अमेरिकन आइडल को उत्कृष्ट २० मा पर्न सफल भएका छन् । यो दिवेशको लागि मात्र नभएर सम्पूर्ण नेपालीको लागि नै खुसीको कुरा हो ।
दिवेशले टप २० प्रवेश गर्नको लागि बब मार्लीको गीतमा प्रस्तती दिएका थिए । दिवेशको प्रस्तुती हेर्न उनको परिवार पनि उपस्थित थिए । दिवेशसँगै टप २० मा पुग्नको लागि सबै प्रतिस्पर्धीले उत्कृष्ट प्रस्तुती दिएका थिए । जसका कारण जजलाई टप २० छान्न मुश्किल पनि भएको थियो ।
तर दिवेशलाई टप २० मा लान कत्तिपनि सोच्नु नपरेको जजहरुले बताएका छन् । उनीहरुले दिवेश आफ्नो मेहेनतकै कारण टप २० मा पुगेको बताएका छन् । साथै दिवेशले पनि आफूलाई सपोर्ट गर्ने सबैलाई धन्यवाद दिएका छन् ।
