२४ चैत्र २०७६, काठमाडौँ
बर्षा सिवाकोटी पछिल्लो समयकी चर्चित नायिका हुन् । उनले एकपछि अर्को चलचित्रमा काम गरिरहेकी छिन् । हाल लकडाउका कारण क्वारेन्टाइनमा रहेकी बर्षाको आज जन्मदिन रहेको छ ।
विश्वभर कोरोनाको प्रभाव परेका कारण बर्षाले यसपटकको आफ्नो जन्मदिन भने राम्ररी मनाउन पाइनन् । पछिल्ला दिनहरुमा उनी कोरोनाबाट प्रभावित व्यक्तिहरुलाई सहयोग गरेका कारण र जनावरलाई खाना खुवाएका कारण चर्चामा आएकी थिइन् ।
आजबाट उनी २५ औँ बर्षमा प्रवेश गरेकी छिन् । बर्षाको जन्मदिन भएकाले उनलाई सामाजिक सञ्जालमा शुभकामना दिनेको ओइरो नै लागेको छ । हाम्रो तर्फबाट पनि बर्षालाई जन्मदिनको धेरै धेरै शुभकामना ।
