२५ चैत्र २०७६, काठमाडौँ
चीनको वुहानबाट शुरु भएको कोरोनाको संक्रमण अहिले विश्वका २०५ देशमा पुगेको छ । यसको संक्रमण सबैभन्दा धेरै अमेरिकामा छ ।
पछिल्लो २४ घण्टामा १ हजार २५५ जनाले ज्यान गुमाएसँगै मृत्यु हुनेको संख्या १० हजार ८७१ पुगेको छ । अमेरिकामा एकैदिन ३० हजार ३ सय ३१ जनामा संक्रमण देखिएसँगै संक्रमित हुनेको संख्या ३ लाख ६७ हजार ४ पुगेको छ ।
संक्रमितमध्ये १९ हजार ६ सय ७१ जना उपचारपछि निको भएका छन् भने ८ हजार ८७९ जनाको अवस्था गम्भीर रहेको जनाइएको छ भने ३ लाख ३५ हजार ६८० जना उपचाररत छन् ।
