२५ चैत्र २०७६, काठमाडौं
प्रधानमन्त्री केपी शर्मा ओलीले बेलायतका प्रधानमन्त्री बोरिस जोनसनको स्वास्थ्यलाभको कामना गरेका छन् ।
कोभिड १९ (कोरोना भाइरस)को संक्रमण भएर आइसीयूमा भर्ना भएका बेलायती समकक्षी जोनसनको प्रधानमन्त्री ओलीले मंगलबार (आज) स्वास्थ्यलाभको कामना गरेका हुन् ।
जोनसन आइसीयूमा भर्ना भएको आफूले जानकारी पाएको र कोरोना भाइरसँग लड्ने क्षमता रहेको ओलीले सामाजिक सञ्जाल ट्वीटरमा उल्लेख गरेका छन् ।
५५ वर्षीय जोनसनले आइतबार साँझ आफू नियमित परीक्षणका क्रममा अस्पताल भर्ना भएको र सबै एकजुट भएर लडेमा कोरोना भाइरसविरुद्धको लडाइँमा सफलता हात पार्ने विश्वास दिलाएका थिए ।
I wish Prime Minister @BorisJohnson of the UK speedy recovery. It is learnt that he has been moved to intensive care in hospital for the treatment of corona virus. I commend his dedicated efforts to fight COVID-19.
— K P Sharma Oli (@kpsharmaoli) April 7, 2020
|तस्वीरमा प्रधानमन्त्री केपी ओली र बेलायती समकक्षी जोनसन। फाइल तस्वीर|
