लकडाउनका कारण दिक्क भएका छैनन् अनमोल, चलचित्र हेर्दै, गीत सुन्दै कटाइरहेका छन् दिन

२६ चैत्र २०७६, काठमाडौँ

विश्वभर महामारीको रुपमा फैलिएको कोरोना भाइरस को त्रास नेपालमा पनि भएका कारण यतिबेला सरकारले नेपाललाई लकडाउन गरेको छ । लकडाउन भएको करिब ३ हप्ता भैसकेको छ । जसका कारण धेरैले घरमा बस्दा बस्दा दिक्क मान्न थालिसकेका छन् ।

तर अभिनेता अनमोल केसीलाई भने लकडाउनले खासै फरक पारेको छैन । अझ उनलाई त लकडाउनको समय निकै रमाइलो लागिरहेको छ । अरु समयमा पनि कामभन्दा बाहेक घरबाट बाहिर निस्कन मन नपराउने अनमोल यतिबेला घरमै चलचित्र हेर्दै, गीत सुन्दै आफ्नो समय बिताइरहेका छन् ।

लकडाउन अघि उनी चलचित्र ए मेरो हजुर ४ को छायांकनमा व्यस्त थिए । तर अहिले ए मेरो हजुर ४ को छायांकन रोकिएको छ । अनमोल आफूलाई अफर आएका चलचित्रको स्क्रिप्ट पनि पढिरहेका छन् । साथै अनमोलले अरुलाई पनि यस समयमा सुरक्षित रहन आग्रह गरेका छन् ।