२७ चैत्र २०७६, काठमाडौँ
शाहरुख खान बलिउडका चर्चित अभिनेता हुन् । उनले बलिउडमा धेरै ब्लकबस्टर चलचित्र दिएका छन् । उनले अफर गरिएका धेरै चलचित्र रिजेक्ट गरे । जुन चलचित्र आज बलिउडको हिट लिस्टमा छन् । आज हामी शाहरुखले रिजेक्ट गरेका तिनै चलचित्रबारे चर्चा गर्नेछौँ ।
लगान
ब्लकबस्टर चलचित्र लगान सुरुमा आमिर खानलाई अफर गरिएको थियो । तर आमिरले चलचित्र रिजेक्ट गरिदिएका थिए । त्यसपछि शाहरखलाई अफर गरिएको थियो । शाहरुखले पनि रिजेक्ट गरेपछि फेरि आमिरलाई नै अफर गरियो । अन्ततः आमिरले नै चलचित्र लगान गरे ।
जोधा अकबर
यो फिल्म आशुतोष गोवारिकरले यो फिल्म खेल्नको लागि शाहरुख खानलाई अफर गरेका थिए । तर शाहरुख खानले फिल्म नखेल्ने निधो गरे । त्यसपछि फिल्ममा ऋतिक रोशनलाई लिइयो । जुन फिल्म निकै सफल भयो ।
एक था टाइगर
सलमान खान र कटरिना कैफको मुख्य भूमिका रहेको चलचित्र एक था टाइगर मा सलमानभन्दा पहिले शाहरुखलाई अफर गरिएको थियो । तर शाहरुखले चलचित्र खेल्न अस्वीकार गरे । एक था टाइगर बलिउडको ब्लकबस्टर चलचित्र हो । चलचित्रले १०० करोड कमाउन सफल भएको थियो ।
थ्री इडियट्स
थ्री इडियट्स सदावहार सबैको फेबरेट चलचित्र हो । थ्री इडियट्सलाई हिन्दुस्तानी फिल्मको इतिहासमा सबैभन्दा सफल फिल्म मानिन्छ । यो फिल्मको मुख्य भूमिका निभाउन राजकुमार हिरानीले सबैभन्दा पहिले शाहरुख खानलाई अफर गरेका थिए तर उनले इन्कार गरे । जसले इतिहास नै बनायो ।
कहो ना प्यार हो
ऋतिक रोशनका पिता राकेश रोशनको निर्देशन रहेको यो फिल्फ खेल्न शाहरुखलाई अफर गरिएको थियो । शाहरुखले यो फिल्म खेलेको भए ऋतिकले फिल्म खेल्न पाउँदैन थिए । तर शाहरुखले अस्वीकार गरेपछि ऋतिकलाई फिल्म दिइयो । यो फिल्मले निकै राम्रो कलेक्शन गर्न सफल भयो र थुप्रै अवार्ड पनि जितेको थियो ।
