२७ चैत्र २०७६ काठमाडौं
बहराइनमा रहेका २२ जना नेपालीमा कोरोना भाइरसको संक्रमण देखिएको छ।
त्यहाँस्थित नेपाली दूतावासले विज्ञप्तिमार्फत उक्त जानकारी गराएको हो। विज्ञप्तिमा भनिएको छ, ‘बहराइन अधिराज्यमा ८ अप्रिल २०२० (२ बजेसम्म) ५२ हजार ३५१ मा कोरोना परीक्षण गरिएको छ । संक्रमित व्यक्तिहरुको संख्या ३४९ जना रहेकोमा ३ जना क्रिटिकल अवस्थामा रहेको छ । संक्रमणबाट निदान प्राप्त गरि डिस्चार्ज हुनेको संख्या ४६७ पुगेको छ । मृतको संख्या ५ पुगेको छ । संक्रमित हुनेमा पछिल्लोपटक थप १० जनासहित नेपाली नागरिकको संख्या २२ पुगेको छ ।”
केही समयअघि सल्माबादस्थित एक क्याम्पमा एकजना विदेशी नागरिकमा संक्रमण देखिएपछि त्यहाँ कार्यरत करिब चारसय जनालाई क्वारेन्टाइनमा राखिएको थियो ।
त्यहाँ रहेका १० जना नेपालीमा कोरोना देखिएको हो ।
