२८ चैत्र २०७६, काठमाडौं
प्रधानमन्त्री केपी शर्मा ओली र समकक्षी नरेन्द्र मोदीबीच टेलिफोन संवाद भएको छ ।
प्रधानमन्त्री ओलीले शुक्रबार (आज) भारतीय समकक्षी नरेन्द्र मोदीसँग टेलिफोन संवाद गरेको र कोरोना भाइरसविरुद्धको सहकार्यलाई अझ सशक्त बनाउने विषयमा छलफल भएको ट्वीमटरमार्फत् जानकारी दिएका छन् ।
त्यस्तै ‘लकडाउन्’का कारण एक अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा पनि आफूहरुबीच सहमति भएको उनले उल्लेख गरेका छन् ।
यसैगरी कोरोना संक्रमणको त्रासका बीच पनि आपूर्ति व्यवस्थालाई निरन्तर कायम राख्न र थप सहज बनाउने विषयमा पनि दुई प्रधानमन्त्रीबीच छलफल भएको ओलीले बताएका छन् ।
आज मैले भारतका प्रधानमन्त्री श्री नेरन्द्र मोदीजीसँग @narendramodi टेलिफोन संवाद गरें । कोरोना भाइरसका विरुद्धको सहकार्यलाई अझ सशक्त बनाउने विषयमा हामी सहमत भयौं । लकडाउनको कारण एक अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा जोड दियौं ।
— K P Sharma Oli (@kpsharmaoli) April 10, 2020
|तस्वीरमा प्रधानमन्त्रीद्वय ओली मोदी। फाइल तस्वीर|
