३० चैत्र २०७६, काठमाडौँ
नायिका बर्षा राउतले केहीसमय अघि कोरोनाबाट प्रभावित चलचित्रका प्राविधिकलाई ५१ हजार सहयोग गरेकी थिइन् । सबैले उनको निकै तारिफ गरेका थिए । अहिले फेरि उनले अर्को सहयोग गरेकी छिन् ।
बर्षाले कोरोनाका कारण खान नपाएर अलपत्र परेका जीवजन्तुलाई खाना खुवाएकी छिन् ।
आइतवार विहान उनले काठमाडौँको टेकु हुँदै इन्द्रायणी, शोभाभगवती, बिजेश्वरी, स्वयम्भू, बुढानिलकण्ठ, नक्साल भगवती, कमलपोखरीलगायतका स्थानमा पुगेर बाँदर, कुकुर, गाई, चराचुरुंगी र माछालाई बिस्कुट, चामल, मकै, गहुँ, केरा, पानीलगायतका आहार दिएकी हुन् ।
