थप दुईजनामा कोरोना संक्रमण पुष्टि, संक्रमितको संख्या १४ पुग्यो : स्वास्थ्य मन्त्रालय

०१ बैशाख २०७७, काठमाडौं

नेपालमा थप दुई जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

सो कुराको जानकारी सोमबार (आज) नियमित कोरोना ब्रिफिङ्गमार्फत् मन्त्रालयका प्रवक्ता डा. विकास देवकोटाले गराएका हुन् ।

मन्त्रालयका अनुसार कैलालीको क्वारेन्टाइनमा रहेका एक ६५ वर्षीया महिला र रौतहटको क्वारेन्टाइनमा रहेका एक १९ वर्षीय एक पुरुषमा कोरोना संक्रमण पुष्टि भएको हो ।

जनस्वास्थ्य प्रयोगशालामा गरिएको परीक्षणको आज आएको परिणाममा उनीहरुको रिपोर्ट पोजेटिभ देखिएको हो ।

कैलालीको केश भने यसअघि नै सञ्चारमाध्यममा आइसकेको थियो । योसँगै नेपालमा कोरोना संक्रमितको संख्या १४ पुगेको छ ।

|तस्वीरमा मन्त्रालयका प्रवक्ता देवकोटा। फाइल तस्वीर|