कोरोनाविरुद्ध मिलेर लड्न प्रदिप र पलले गरे अपिल (भिडियो)

०१ बैशाख २०७७, काठमाडौँ

नेपालमा पनि केही व्यक्तिमा कोरोना भाइरस देखिएपछि अहिले देशलाई पुरा लकडाउन गरिएको छ । लकडाउन भएका कारण सबैजना आफ्नो परिवारसँग समय बिताइरहेका छन् ।

यसैबिच बिहिबार कोरोनासम्बन्धी जनचेतना फैलाउने गीत सार्वजनिक भएको छ । सत्यराज आचार्य, स्वरुपराज आचार्य, प्रताप दास र प्रविशा अधिकारीको आवाज रहेको सुनौलो बिहानी फर्कनेछ बोलको गीतमा प्रदिप खड्का, पल शाह, कृष्टिना, सन्तोष सेन र गीतका गायक, गायिका पनि फिचर्ड रहेका छन् ।

उक्त गीतमा कोरोना विरुद्धको लडाई सबै मिलेर लड्न आवश्यक रहेको बताइएको छ । गीतमा एलिस कार्की र प्रमोद निर्वाणको संगीत रहेको छ भने अशोक शेरचनले शब्द सिर्जेका हुन् । रुपेश थापाको सम्पादन रहेको गीतको भिडियोलाई रुपेश थापा, विजय भण्डारी र दिपेश उपाध्यायले खिचेका हुन् ।