०२ वैशाख २०७७, काठमाडौं
चीनको वुहानबाट शुरु भएको कोरोनाको संक्रमण अहिले विश्वव्यापी महामारीको रुपमा फैलिएको छ । यसको तीव्र संक्रमण अमेरिकामा छ ।
अमेरिकामा पछिल्लो २४ घण्टामा १ हजार ५ सय बढीले जनाले ज्यान गुमाएसँगै मृत्यु हुनेको संख्या २३ हजार ६१० पुगेको छ ।
एकैदिन २६ हजार ७७ जना बढीमा संक्रमण देखिएसँगै संक्रमित हुनेको संख्या ५ लाख ८६ हजार ३ सय बढी पुगेको छ । संक्रमितमध्ये १२ हजार ७७२ जनाको अवस्था गम्भीर रहेको छ भने ३६ हजार २१८ जना संक्रमित उपचारपछि निको भएका छन् ।
