सन्नी लियोनीको अभिनय रहेको पासवर्ड युट्युबमा रिलिज

०२ बैशाख २०७७, काठमाडौँ

नयाँ बर्षको अवसरमा चलचित्र पासवर्ड युट्युबमा रिलिज भएको छ । निकै चर्चा बटुलेर पनि हलमा दर्शकको साथ नपाएको पासवर्ड ले युट्युबमा भने दर्शकको राम्रो साथ पाइरहेको छ ।

पासवर्ड ले थोरै समयमा नै युट्युबमा राम्रो भ्यूज पाएको छ । बलिउड अभिनेत्री सन्नी लियोनीको आइटम डान्स रहेका कारण पनि पासवर्ड चर्चामा रहेको थियो ।

सम्राट शाक्यको निर्देशनमा बनेको यस चलचित्रमा अनुपविक्रम शाही, विक्रम जोशी, बुद्धि तमाङ, रविन्द्र झा लगायतको अभिनय रहेको छ । चलचित्रमा अमित बस्नेत र हिराल जोशीको लगानी रहेको छ ।