अजयको ‘मैदान’ को लागि ७ करोडको सेट तयार

०३ बैशाख २०७७, काठमाडौँ

कोरोनाका कारण बलिउड फिल्म क्षेत्रलाई निकै ठूलो घाटा लागेको छ । प्रदर्शनको तयारीमा रहेका सबै चलचित्रको रिलिज स्थगित भए । त्यतिमात्र नभएर छायांकन भैरहेका चलचित्रको पनि छायांकन रोकियो ।

लकडाउन हुनुभन्दा अगाडी अजय देवगणको मुख्य भूमिका रहेको चलचित्र मैदान को छायांकन भैरहेको थियो । मैदान लागि ७ करोडको फुटबल सेट पनि तयार गरिएको थियो । तर उक्त सेटमा चलचित्रको छायांकन हुन सकेन ।

मे ४ बाट चलचित्रको छायांकन पुनः सुरु गरिने चलचित्र निर्माण टिमले जनाएको थियो । तर मे ३ सम्म भारतमा लकडाउन नै छ । जसका कारण चलचित्र मैदान को छायांकन अन्योलमा परेको ।