०४ बैशाख २०७७, काठमाडौं
चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा तीव्र देखिए पनि अझै यूरोपियन मुलुकहरुमा महामारी तिब्र रुपमा बढ्दै छ । त्यस्तै फ्रान्समा पनि यसको संक्रमण र मृत्यु तीव्र देखिएको छ ।
फ्रान्समा पछिल्लो २४ घण्टामा १ हजार ४३८ जनाले ज्यान गुमाएसँगै मृत्यु हुनेको संख्या १७ हजार १६७ पुगेको छ । फ्रान्समा हिजोको तुलनामा आजको मृत्यु झण्डै दोब्बर हो । हिजो ७६२ जनाले ज्यान गुमाएका थिए ।
एकै दिन ४ हजार ५६० जना संक्रमित भएको भेटिएसँगै कोरोना संक्रमितको संख्या १ लाख ४७ हजार ८६३ पुगेको छ । फ्रान्समा संक्रमितमध्ये ३० हजार ९९५ जना उपचारपछि निको भएका छन् भने ६ हजार ४५७ जनाको अवस्था गम्भीर रहेको छ ।
