आर्यनको आग्रह- ‘आफूलाई मन लागेको काम गरौँ तर घरबाट बाहिर नजाऔँ’

०४ बैशाख २०७७, काठमाडौँ

लकडाउनका कारण यतिबेला सबैजना घरमा परिवारसँग समय बिताइरहेका छन् । यस्तै अभिनेता आर्यन सिग्देल पनि पुरा समय आफ्नो परिवारलाई दिइरहेका छन् । केही समयअघि उनले घरको आगनमा चुलो बनाएर खाना पकाइरहेको तस्बिर सेयर गरेका थिए ।

उक्त तस्बिरले निकै नै चर्चा पाएको थियो । अहिले फेरि आर्यनले सामाजिक सञ्जालमा एक तस्बिर सेयर गरेका छन् । जहाँ उनी खेतमा काम गरिरहेका छन् । आर्यनले आफ्नी आमालाई खेतको काममा सहयोग गर्न पाउँदा खुसी लागेको बताएका छन् ।

यस्तै उनले तस्बिरको क्याप्सनमा लेखेका छन्, ‘आफूलाई मन लागेको कुरा गर्नुहोस् । तर, घर बाहिर ननिस्कनुहोला ।’

आर्यनको यो कुरालाई साच्चै नै सबैले मनन गर्नु आवश्यक छ । किनकी अहिलेको समयमा बाहिर निस्कनु आफैमा खतरा हो ।