आक्रोशित हुदैँ सलमानले भने, ‘केही जोकरहरुको कारणले कोरोना भाइरस फैलिरहेको छ’

०४ बैशाख २०७७, काठमाडौँ

दिनप्रतिदिन छिमेकी मुलुक भारतमा कोरोना भाइरसको संक्रमण बढिरहेको छ । भारतमा कोरोनाको संक्रमण बढेसँगै सरकारले लकडाउन पनि थपेको छ । जसका कारण सबैजना घरमै समय बिताइरहेका छन् ।

तर केहीले भने लकडाउनको पालना नगरेको पनि पाइयो । भारतमा केहीदिन अघि कोरोनाको चेकजाँच गर्न आएका डाक्टरहरुमाथि नै हमला भएको थियो । उक्त घटनाले निकै तहल्का मच्चिएको थियो ।

अभिनेता सलमान खान पनि यस कुरामा निकै नै दुखी छन् । साथै उनले सामाजिक सञ्जालमा एक भिडियो सेयर गर्दै लकडाउनको पालना नगर्नेदेखि आक्रोश समेत पोखेका थिए । साथै सलमानले केही जोकरहरुको कारणले कोरोना फैलिरहेको पनि बताएका छन् ।