अभिनेता नाजिर हुसेनको सरकारसँग यस्तो अपिल

०७ बैशाख २०७७, काठमाडौँ

कोरोनाको त्रास दैनिक रुपमा बढ्दै गइरहेको छ । देशलाई लकडाउन गरिएको पनि झण्डै १ महिना बित्न लागिसक्यो । तर कोरोनाको त्रास कत्तिपनि कम भने भएको छैन । लकडाउनका कारण यतिबेला सबैजना घरमै समय बिताइरहेका छन् ।

यस्तै कलाकारहरु भने लकडाउनको समय सदुपयोग गर्न सामाजिक सञ्जालमार्फत कोरोनाबारे जनचेतना फैलाउनुका साथै आफूलाई लागेका कुरा सरकार समक्ष राखिरहेका पनि छन् ।

अभिनेता नाजिर हुसेन सामाजिक सञ्जालमा एक तस्बिर सेयर गरेका छन् । तस्बिरमा उनी प्लेकार्ड समातेर उभिएका छन् । प्लेकार्ड मा उनले सरकारलाई धेरै कुरामा अपिल गरेका छन् ।

नायक हुसेनले प्लेकार्ड बोक्दै लेखेका छन्–‘सत्ता तपाइसँगै छ, शक्ति तपाइसँगै छ । अनी लौरो पनि तपाइसँगै छ ।’

नाजिरले सत्तामा बसेर यसको दुरुपोग नगर्न सरकारलाई अपिल गरेको बुझ्न सकिन्छ । सत्ता र शक्ति जनताका लागि प्रयोग गर्न उनले सरकारलाई अपिल गर्न खोजेका छन् ।