आज वरिष्ठ कलाकार मदनकृष्ण श्रेष्ठको जन्मदिन, शुभकामना दिनेको ओइरो

०७ बैशाख २०७७, काठमाडौँ

मदनकृष्ण श्रेष्ठ नेपाली कलाकारिता क्षेत्रमा वरिष्ठ नाम हो । उनको नाम सधैँ हरिवंश आचार्यसँग जोडिएर आउने गर्छ । किनकी लगभग एउटै समयमा कलाकारिता सुरु गरेका यी दुई कलाकारले सुरुवाती दिनदेखि नै एकसाथ काम गर्दै आएका छन् । नेपाली कलाकारिता क्षेत्रमा यी दुईलाई सबैभन्दा लोकप्रिय कलाकार जोडी मानिन्छ । दर्शकले यी दुईलाई मह जोडीको रुपमा चिन्ने गरेका छन् ।

आज उनै वरिष्ठ कलाकार मदनकृष्ण श्रेष्ठको जन्मदिन रहेको छ । यतिबेला देशभर लकडाउन भएका कारण सबैजना घरमै समय बिताइरहेका छन् । यस्तै मदनकृष्ण श्रेष्ठपनि घरमा परिवारसँग समय बिताइरहेका छन् ।

लकडाउनका कारण यसपटकको उनको जन्मदिन त्यति विशेष हुन पाएन । तर सामाजिक सञ्जालमा उनलाई शुभकामना दिनेको भने ओइरो नै लागेको छ । उनलाई सेलिब्रेटी तथा उनका शुभचिन्तकले शुभकामना दिएका छन् ।

उनलाई हरिवंश आचार्य, सिताराम कट्टेल, प्रदिप भट्टराई लगायतका कलाकारले सामाजिक सञ्जालमार्फत मदनकृष्णलाई जन्मदिनको शुभकामना दिएका छन् । मदनकृष्ण श्रेष्ठलाई हाम्रो तर्फबाट पनि जन्मदिनको धेरै धेरै शुभकामना ।