०९ बैशाख २०७७, काठमाडौं
चीनको वुहानबाट शुरु भएको कोरोनाको संक्रमण अहिले विश्वव्यापी महामारीको रुपमा फैलिएको छ । यसको तीव्र संक्रमण अमेरिकामा छ ।
अमेरिकामा पछिल्लो २४ घण्टामा १ हजार ९ सय ३९ जनाले ज्यान गुमाएसँगै मृत्यु हुनेको संख्या ४२ हजार ५ सय १४ बढी पुगेको छ ।
एकैदिन २८ हजार १ सय २३ बढीमा संक्रमण देखिएसँगै संक्रमित हुनेको संख्या ७ लाख ९२ हजार ७ सय ५९ बढी पुगेको छ । संक्रमितमध्ये १३ हजार ९ सय ५१ जनाको अवस्था गम्भीर रहेको छ भने ७२ हजार ३ सय ८९ जना संक्रमित उपचारपछि निको भएका छन् ।
