सलमान खानको कोरोनासम्बन्धी चेतनामूलक ‘प्यार करोना’ गीत रिलिज

०९ बैशाख २०७७, काठमाडौँ

बलिउड अभिनेता सलमान खान सामाजिक सञ्जालमा यतिबेला निकै नै सक्रिय छन् । उनले कोरोनाबारे सबैलाई सचेत गराइरहेका छन् । साथै उनले कोरोनाका कारण समस्यामा परेका मजदुरहरुलाई पनि सहयोग गरेका छन् ।

यस्तै भर्खरै मात्र सलमानको कोरोना सम्बन्धी जनचेनामूलक गीत रिलिज भएको छ ।

कोरोना सम्बन्धि चेतना सहित हिम्मत बढाउने गीतमा सलमानको साथ हुसेन खानको शब्द, साजित वाजिदको संगीत रहेको छ । साजन सिंहको छायांकन र कोरियोग्राफी रहेको गीतको निर्देशन अभिराज मिनावालाले गरेका हुन्।