‘मलाई पूजा र आकाशको फेक आइडीबाट अपशब्द प्रयोग गरेर गाली गरिएको छ’ : सुष्मा कार्की

१० बैशाख २०७७, काठमाडौँ

केहीदिन यता सामाजिक सञ्जालमा नायिका सुष्मा कार्कीको निकै आलोचना भैरहेको छ । वास्तवमा सुष्माले २ बर्ष अगाडी एक अन्तवार्तामा पूजा शर्मालाई नचिन्ने बताएकी थिइन् । साथै उनले पूजाको अभिनयलाई लिएर पनि टिप्पणी गरेकी थिइन् ।

जसका कारण पूजा र आकाशका फ्यान सुष्मामाथि भड्किएका छन् । यस्तै सुष्माले पनि पूजा र आकाशको फेक आइडीबाट आफूलाई अपशब्द प्रयोग गरेर गाली गरिएको बताएकी छिन् ।

सुष्माले अब फेरि नराम्रो म्यासेज पूजा र आकाशको फेक आइडीबाट आफूलाई आए कानूनी प्रक्रियामा जाने पनि बताएकी छिन् । साथै सुष्माले पुरानो कुरालाई भाइरल बनाएर आफूलाई गाली नगर्नको लागि आग्रह पनि गरेकी छिन् ।