सुरक्षामा खटेका प्रहरीलाई रोहितले गराए ८ होटल उपलब्ध

११ बैशाख २०७७, काठमाडौँ

रोहित शेट्ठी बलिउडका चर्चित निर्देशकहरुमध्येका एक हुन् । उनले बनाएका अधिकांश चलचित्रहरु बक्सअफिसमा सफल छन् । रोहित फिल्म क्षेत्रमा मात्र नभएर सामाजिक कार्यमा पनि निकै नै सक्रिय हुने गरेका छन् ।

अहिले भारतलाई लकडाउन गरिएको छ । जसका कारण प्रहरीहरु नियमित जनताको सुरक्षाका लागि खटिरहेका छन् । रोहितले सुरक्षामा खटेका प्रहरीहरुको लागि मुम्बईमा ८ होटल उपलब्ध गराइदिएका छन् । जहाँ प्रहरीहरुले आराम गर्न सक्नेछन् ।

अहिले जताततै रोहितको चर्चा भैरहेको छ । रोहितले यस्तो माहोलमा देशको लागि केही सहयोग गर्न पाउँदा आफूलाई खुसी लागेको बताएका छन् । साथै रोहितले अहिले सबैलाई सुरक्षित रहन पनि आग्रह गरेका छन् ।