११ बैशाख २०७७, काठमाडौँ
विश्वव्यापी रुपमा महामारीको रुपमा फैलिएको कोरोना भाइरसबाट नेपाल पनि अछुतो छैन । नेपालमा पनि कोरोनाको त्रास दिनदिनै बढेसँगै १ महिनादेखि भैरहेको लकडाउन तत्काल खोल्ने नखोल्ने पक्का भएको छैन ।
मानिसहरुलाई कोरोनाबाट कसरी मुक्त हुने भन्ने कुराले निकै सताइरहेको छ । यस्तै नेपाली सेलिब्रेटीहरुले पनि यस्तोबेला आफ्नो देशलाई सकेको सहयोग गरिरहेका छन् ।
यस्तैमा अभिनेता तथा निर्माता दीपकराज गिरीले फेसबुक मार्फत एक स्टाटस पोष्ट गर्दै व्यङ्ग्यात्मक रुपमा अध्यादेशको विरोध गरेका छन् ।
‘सकारात्मक सोचौ न यार, कोरोनाको औषधि नेपालमा पत्ता लात्यो १’ उनले स्टाटसमा लेखेका छन् ‘धेरै दिनदेखिको प्रयास सफल ‘राष्ट्रपतिद्वारा विधेयकमा हस्ताक्षर ।’
कोरोनाको नियन्त्रणमा गम्भीर भएर लाग्नुपर्नेमा अनावश्यक राजनीतिक दाउपेचमा सरकार फसेको गिरीको व्यङ्ग्यको आशय छ ।
