‘कबिर सिंह’ की प्रितीले सेयर गरिन् २४ बर्ष अगाडीको भिडियो, फ्यानले दिए यस्तो प्रतिक्रिया

११ बैशाख २०७७, काठमाडौँ

चलचित्र कबिर सिंह मा प्रितीको भूमिका निभाएकी अभिनेत्री कियारा अडवाणीले बलिउडमा प्रवेश गर्ने बित्तिकै लोभलाग्दो सफलता पाइन् । अहिले बलिउडमा उनको डिमाण्ड निकै छ ।

कियारा सामाजिक सञ्जालमा निकै सक्रिय हुने अभिनेत्री हुन् । उनले सामाजिक सञ्जालमा अपलोड गरेका भिडियो र तस्बिरले निकै नै चर्चा पाउने गर्छन् । हालैमात्र पनि कियाराले सामाजिक सञ्जालमा एक भिडियो सेयर गरेकी छिन् ।

उनले आजभन्दा २४ बर्ष अगाडीको भिडियो साझेदार गरेकी छिन् । जतिबेला उनी मात्र ४ बर्षकी थिइन् ।

भिडियोमा उनि सिंड्रेला कपबाट ‘रुह अफजा’ पिईरहेकी छिन् । २६ सेकेन्डको यो भिडियो उनले टिभी मार्फत मोबाइलले खिचेकी हुन् । भिडियोको क्याप्सनमा उनले लेखेकी छिन् – ‘दुधको दुध, पानी को पानी ‘ र सिंड्रेला पार्टी मेरो जुनून’ ।