आज बलिउड अभिनेता वरुण धवनको जन्मदिन, शुभकामना दिनेको ओइरो

१२ बैशाख २०७७, काठमाडौँ

बलिउडका चकलेटी अभिनेता वरुण धवनको आज जन्मदिन रहेको छ । आजबाट उनी ३३ बर्षमा लागेका छन् । चलचित्र स्टुडेन्ट अफ दि इयर बाट बलिउडमा भित्रिएका वरुणले छोटो समयमा नै निकै लोभलाग्दो सफलता हासिल गरेका छन् ।

अहिले लकडाउनका कारण वरुण पनि आफ्नो परिवारसँग समय बिताइरहेका छन् । लकडाउनका कारण नै यसपटक उनले आफ्नो जन्मदिन त्यति राम्रोसँग मनाउन पाएनन् । तर घरमै उनको लागि केक बनाइएको थियो । उनले परिवारसँग बसेर आफ्नो जन्मदिनको केक पनि काटेका छन् ।

वरुणलाई माया गर्ने दर्शकको संख्या लाखौँमा रहेको छ । जसका कारण सामाजिक सञ्जालमा उनका फ्यानले उनलाई जन्मदिनको शुभकामना दिइरहेका छन् । हाम्रो तर्फबाट पनि वरुणलाई जन्मदिनको धेरै धेरै शुभकामना ।