सरकारको विश्लेषण : ‘श्रम गन्तव्य मुलुकमा रहेका तीन लाख श्रमिक स्वेदश फर्कन सक्छन्’

१२ वैशाख २०७७, काठमाडौं

सरकारले कोरोना भाइरस (कोभिड–१९)का कारण श्रम गन्तव्य मुलुकहरुमा रहेका करिब तीन लाख श्रमिक स्वदेश फर्किनसक्ने विश्लेषण गरेको छ ।

साउदी अरब, मलेसिया, यूएई, कतार, कुवेत, बहराइन, ओमान लगायतका मुलुकमा ठूलो संख्यामा नेपाली श्रमिक छन् । त्यहाँ १५ लाख बढी नेपाली कार्यरत छन् ।

र, अवैध रुपमा बसेर काम गरिरहेका नेपालीको संख्या पनि ठूलो छ । शुक्रबार मन्त्रिपरिषद्को बैठकमा तत्काल तीन लाख श्रमिक नेपाल फर्किने अवस्थामा पुगेको रिपोर्टिङ भएको छ ।

साउदी अरबले भारतीय श्रमिकहरुलाई फिर्ता पठाउन फारम गराएको थियो । त्यसमा नेपालीहरुले पनि फारम भरेका छन् । यस्तै कतिपय मुलुकमा नेपालीहरु कामविहीन भएका छन् ।

यसका साथै लामो समयदेखि अवैधानिक रुपमा बसेर काम गरिरहेकाहरु पनि अहिले समस्यामा परेका छन् । सबैभन्दा बढी अवैधानिक रुपमा काम गरिरहेकाहरु अहिले समस्यामा परेको बताइएको छ ।

सरकारले पनि अब उनीहरुलाई सम्बन्धित देशको रजिस्ट्रेसन प्रक्रियामा समावेश हुन जोड दिने भएकाले उनीहरु स्वदेश फर्किने सम्भावना बढी छ ।

|तस्वीरमा मन्त्रिपरिषद् बैठक। श्रोतः|